我係放浪者口口

veemon355

我吾知你係認真定係係到Sh!tpost，但我都認真回應一下。

你話規則吾完善係岩，官方的確諗得吾仔細。
但宜家重點在於官方盲撐AI吾認錯，而吾係AI用吾用得。
如果官方一早明言可以用AI，或者AI同畫師分開比賽，我相信一定吾會有宜家嘅局面。

你所舉嘅DSE數學例子完全不貼切。
計算機入program係所有數學課本同盡責老師都會有提你做，仲會教你點入
2元1次方程、多項式等等program，我老師一教就馬上叫大家睇邊到邊到，夜晚自己入左個program佢
我Form 6最後1日數學堂，我老師仲會逐個check所有人入曬program先比我地放假備考
DSE數學入program考試係常識，到應考當日都未入係0n9，吾係吾公平

另外樓主其實你知吾知AI係點生成張圖比你？
係，係要用code，但係個code吾係教佢點畫圖，係教佢點上網找圖，然後東抄西抄比張圖你
講白D同難聽D，其實就係抄襲，而吾係單純創作
如果佢上吾到網，或者無database，即使你有code，佢都係畫吾到比你
而個database點尼？就係一班brainstorm勁耐，畫左勁耐嘅畫師畫出尼
佢地畫左幾日、幾星期，甚至幾個月嘅圖，就係禁比AI幾秒內學左
樓主你自己想像一下，你苦練左好久嘅得意技能，比人幾秒內學左+打臉，你有咩感覺？

我可以分享一個故事︰
之前外國有一個動漫/anime art expo活動，比一D個人/Indie畫師及工作室出來租攤位賣自己手藝。
然後，活動內有一位畫師被其他租了攤位嘅畫師捉到他用AI畫圖去賣畫，向主辦方投訴。
結果，主辦方商議後，認為該畫師行為違反活動宗旨，要求該畫師即時收拾攤位及離場，租場費用不會退還。
該畫師雖然離場，但在場上留下許多標語在示威，說AI畫也是畫，又話大會規則沒有說不能用AI

樓主你睇上面個故事，果位AI畫師係米好似宜家嘅你？
係啊，個Expo無話吾比用AI，但都係趕走左個AI畫師
你係米又話個大會對佢吾公平？
樓主你即管試下將你呢番言論po上Deviantart、Pixiv等等創作平面
我保證你會比人X到阿媽都吾認得

其實幅圖有無用AI，就算係普通人，基本睇幾眼都會估到
AI畫面仲未係好完善，而且用免費AI畫嘅，AI好極都有限，更加一眼就睇到
而官方明知幅圖用AI畫，兼且在AI仲未受大家歡迎嘅情況下，仲支持AI，話佢地無問題
比我都反彈啦

樓主既然你有膽量係呢個時候出尼個po，
就準備好比人X啦
既然你支持AI
禁如果有一日你比AI取代左
你吾好番尼po文係到喊

waveman

veemon355 發表於 2025-10-23 14:52
我吾知你係認真定係係到Sh!tpost，但我都認真回應一下。

你話規則吾完善係岩，官方的確諗得吾仔細。

其實你地立場咁搖擺不定真係好難跟

明明成件事一開頭話質疑有人用AI，要求官方處理。

後來官方澄清咗AI只係其中一樣創作工具，亦增設匠心獎，你地就轉風向話唔尊重創作者。而家又轉風向話AI侵權。

其實成件事由官方澄清咗AI只係其中一樣創作工具已經係close file。你地一直話AI唔尊重創作者，侵權嗰啲應該要係聲討ChatGPT, Gemini呢啲service provider。日日叫官方回應根本冇意思，呢啲屬於社會議題已經超出咗遊戲範疇，官方都冇得回應。